Este ano temos a sorte de que un dos nosos obradoiros de dinamización á lectura fose seleccionado para Catálogo de Ler Conta Moito, da Rede de Bibliotecas de Galicia.
A actividade titúlase Os xogos da Gaiola, coa que pretendemos xogar co mundo das letras achegando os libros e a literatura aos máis pequenos a través de minixogos. Recitar poemas de forma enxeñosa, activar a imaxinación reinventando un libro ou responder cuestións sobre contos ou autores serán algunhas das probas, que, dunha maneira lúdica mergullarán aos participantes no mundo dos libros.
